ຜູ້ຊາຍຊາວອິນເດຍໄດ້ເຊື່ອງແຟນຂອງລາວໄວ້ໃນເຮືອນເປັນເວລາ 11 ປີ, ຄົນໃນເຮືອນບໍ່ຮູ້ ອ້າງວ່າຢ້ານແມ່ບໍ່ຍອມຮັບທ້າວ ລາດສະມັນ ຄານີ ຊາຍອາຍຸ 34 ປີ, ຈາກ Kerala, ອິນເດຍ, ແລະ ແຟນຂອງລາວຊື່ ນາງ ສາຈິຕາ ອາຍຸ 28 ປີ, ຢູ່ໃນໝູ່ບ້ານດຽວກັນ. ທັງສອງໄດ້ ໜີໄປພ້ອມກັນໃນປີ 2010 ຍ້ອນວ່າ ລາດສະ
ມັນ ຢ້ານວ່າຄອບຄົວຂອງລາວຈະບໍ່ຍອມຮັບແຟນຂອງລາວ. ເພາະວ່າພວກເຂົາທັງສອງນັບຖືສາດສະໜາແຕກຕ່າງກັນ.ແຕ່ບໍ່ດົນຫລັງຈາກໄດ້ຫລົບໜີ ທ້າວ ລາກສະ
ມັນ ໄດ້ເອົາແຟນສາວຂອງລາວກັບຄືນສູ່ເຮືອນຂອງຕົນເອງຢ່າງລັບໆ, ໂດຍ ນາງ ສາຈິຕາ ຕົກລົງທີ່ຈະປະຖິ້ມອິດສະຫຼະພາບຂອງນາງເພື່ອຄວາມຮັກ ແລະ ເພື່ອໃຫ້
ໄດ້ຢູ່ກັບຄົນຮັກຂອງຕົນຕະຫຼອດໄລຍະເວລາທີ່ຜ່ານມາ ທ້າວ ລາດສະມັນ ໄດ້ພະຍາຍາມທຸກວິທີທາງທີ່ເປັນໄປໄດ້. ເພື່ອບໍ່ໃຫ້ຄອບຄົວທີ່ຢູ່ໃນເຮືອນເຂົ້າໄປວົນວາຍກັບ
ຫ້ອງຂອງລາວຢ່າງເດັດຂາດ ລາວຈະລັອກປະຕູຂອງຫ້ອງໄວ້ແຫນ້ນໆທຸກຄັ້ງທີ່ລາວອອກໄປ. ແລະ ບາງຄັ້ງລາວກໍ່ປ່ອຍກະແສໄຟຟ້າໃສ່ປະຕູເຮືອນ. ເພື່ອປ້ອງກັນບໍ່ໃຫ້
ຄົນໃນເຮືອນເປີດຫ້ອງລາວ.ເຖິງຢ່າງໃດກໍ່ຕາມ, ຄວາມລັບບໍ່ມີໃນໂລກ ເພາະຄວາມລັບໄດ້ຖືກເປີດເຜີຍຫຼັງຈາກທີ່ຄູ່ບ່າວສາວຕັດສິນໃຈຍ້າຍໄປຢູ່ນຳກັນໃນເຮືອນອື່ນ.
ໂດຍບໍ່ມີການບອກໃຜ ພໍ່ແມ່ຂອງ ລາດສະມັນ ໄດ້ແຈ້ງຄວາມໃຫ້ຕຳຫຼວດຊ່ວຍຊອກຫາລູກຊາຍທີ່ຫາຍຕົວໄປກ່ອນທີ່ພວກເຂົາຈະພົບເຫັນຢູ່ໃນເຮືອນທີ່ເຊົ່າ. ໃນບ້ານໃກ້ຄຽງ ແລະ ສືບຫາເລື່ອງລາວນີ້ຈົນກະຈ່າງແຈ້ງ.ແຕ່ໃນທີ່ສຸດຕຳຫຼວດໄດ້ຍົກເລື່ອງນີ້ໃຫ້ສານຕັດສິນຕາມຂະບວນການ ແລະ ສານໄດ້ອານຸຍາດໃຫ້ທັ່ງຄູ່ສາມາດຢູ່ນຳກັນໄດ້.
