ເຄັນຍາຈະທຳລາຍວັກຊິນໂ ຄ ວິ ດ-19 ໝົດອາຍຸກວ່າ 8 ແສນໂດສ

0
275

ເຄັນຍາຈະທຳລາຍວັກຊິນໂຄວິດ-19ໝົດອາຍຸກວ່າ 8 ແສນໂດສ
ຂປລ.ອີງຕາມ ແຫລ່ງຂ່າວຊິນຮວາຂອງຈີນວັນທີ 24 ມີນາ, ທ່ານມູຕາໄຮຄັກເວລັດຖະມົນຕີກະຊວງສາທາລະນະສຸກ ເຄັນຍາເປີດເຜີຍວ່າ: ເຄັນຍາ ຈະທຳລາຍ ວັກຊິນ ປ້ອງກັນ ໂຄວິດ-19 ຂອງ ແອສຕຣາເຊເນກາ ຈຳນວນ 840.000 ໂດສ ຊຶ່ງໝົດອາຍຸ ຕັ້ງແຕ່ວັນທີ 28 ກຸມພາ ທີ່ຜ່ານມາ, ວັກຊິນຊຸດ ດັ່ງກ່າວ ເປັນສ່ວນໜຶ່ງ ຂອງວັກຊິນ ແອສຕຣາເຊເນກາ ຈຳນວນ 2,2 ລ້ານໂດສ

ທີ່ເຄັນຍາ ໄດ້ຮັບບໍລິຈາກ ຜ່ານໂຄງການ ໂຄແວກ (COVAX) ເມື່ອເດືອນມັງກອນ ກ່ອນຈະແຈກຢາຍຕໍ່ ໃຫ້ຫລາຍພື້ນທີ່ ທົ່ວປະເທດ. ຊາວເຄັນຍາ ເລີ່ມບໍ່ຕ້ອງການ ສັກວັກຊິນຂອງ ແອສຕຣາເຊເນກາ ຫລັງຈາກອັດຕາ ຜູ້ຕິດເຊື້ອ ໂຄວິດ-19 ແລະ ການເຂົ້າປິ່ນປົວ ໃນໂຮງໝໍຫລຸດລົງ, ໂດຍອັດຕາ ການສັກວັກຊິນ ລາຍວັນ ຫລຸດລົງຈາກ 252.000 ໂດສ ເມື່ອຕົ້ນເດືອນກຸມພາ ເຫລືອ 30.000-40.000 ໂດສຕໍ່ວັນ, ຂະນະທີ່ ຄວາມຕ້ອງການ ເລືອກວັກຊິນ ບາງຊະນິດ ຍັງເຮັດໃຫ້ ຍອດການ ສັກວັກຊິນຂອງ ແອສຕຣາເຊເນກາ ຫລຸດລົງດ້ວຍ.