ໄຊນ່າອິສເທິນ ຢຸດຕິໃຊ້ໂບອິງ 737-800 ຊົ່ວຄາວຈຳນວນ 223 ລຳ

0
98

ຂປລ.ອີງ​ຕາມ​ແຫ​ລ່ງຂ່າວ ຊິນ​ຮວາ​ຂອງຈີນວັນທີ 24 ມີນາ, ສາຍ​ການບິນ ​ໄຊ​ນ່າອິສ​ເທີນ​ແອລາຍ ​( CHINA EASTERN AIRLINES)ແລະບໍລິສັດ​ ໃນ​ເຄືອ​ຂ່າຍ ປະກາດ​ຢຸດຕິ​ ການ​ໃຊ້​ເຮືອບິນ ​ໂບອິງ 737-800(Boeing 737-800)ຈຳນວນ 223 ລຳ ​ເປັນ​ການ​ຊົ່ວຄາວ, ຫລັງ​ຈາກ​ເຮືອບິນ​ໂດຍສານ​ລຸ້ນດັ່ງກ່າວ ທີ່ບັນຈຸ​ຜູ້​ໂດຍສານ ​ແລະ ຈຸ​ບິນລວມ 132 ຄົນ ​ເກີດອຸບັດເຫດຕົກ ​ໃນ​ເຂດ​ປົກຄອງ​ ຕົນ​ເອງ ກວ່າງຊີຈ້ວງ ທາງ​ພາກ​ໃຕ້​ ຂອງ​ຈີນ ​ເມື່ອ​ຕົ້ນ​ອາທິດ​ຜ່ານ​ມາ.

​ໂດຍ​ທ່ານ​ຫລີ​ວສຽວ​ຕົງ ຫົວໜ້າ ​ຝ່າຍ​ປະຊາສຳພັນ ​ຂອງ​ສາຍ​ການບິນ ຖະ​ແຫລ​ງວ່າ: ​ເຮືອບິນ​ທຸກ​ລຳ ທີ່​ຖືກ​ຢຸດຕິ​ໃນ​ປັດຈຸບັນ ພວມຢູ່​ລະຫວ່າງ​ ການ​ກວດກາ ​ແລະ ບໍາລຸງ​ຮັກສາ ຕາມ​ມາດຕະຖານ​ຄວາມ​ປອດ​ໄພ​ສູງ​ສຸດ ​ເພື່ອ​ໃຫ້​ແນ່​ໃຈ​ວ່າ ຖືກຕາມ​ຂໍ້​ກຳນົດ ຄວາມ​ສົມຄວນ​ໃນ​ການ​ບິນ, ພ້ອມ​ທັງ​ກ່າວ​ວ່າ ສາຍ​ການບິນ ​ໄດ້​ເລີ່​ມດຳ​ເນີນ​ ການ​ກວດກາ ຄວາມ​ປອດ​ໄພ ຫລັງ​ເກີດ​ເຫດ​ ດັ່ງກ່າວ. ​ເຮືອບິນ​ໂດຍສານ ລຳ​ອື່ນໆ​ ຂອງ​ສາຍ​ການບິນ ທີ່ພວມ​ດຳ​ເນີນ ​ການ​ຢູ່ນັ້ນ ​ເປັນ​ໄປ​ຕາມ​ຂໍ້​ກຳນົດ ທີ່​ສົມຄວນ​ເດີນທາງ​ ອາກາດ​ຂອງ​ ໜ່ວຍ​ງານ ດ້ານ​ການບິນ​ຂອງ ຈີນ.