ການຄ້າບໍ່ນີ້ງເສີຍ ຕ້ອງປົກປ້ອງຜູ້ຊົມໃຊ້ທ່າມກາງການສວຍໂອກາດຂອງຜູ້ຄ້າບາງຄົນ

0
265

ຫຼັງຈາກທີ່ປະກົດເຫັນຜ່ານມາຄື ມີການປະກາດປັບຂຶ້ນລາຄານ້ຳມັນ ແລ້ວຫຼາຍປ້ຳປິດເລີຍ ເພື່ອຈົ່ງນ້ຳມັນໄວ້ຂາຍມື້ອື່ນທີ່ໄດ້ລາຄາສູງກວ່າ ເຊິ່ງສຽງປະຊາຊົນສະທ້ອນກັບຫາຂະແໜງການຄ້າ ເພິ່ນບໍ່ໄດ້ນີ້ງເສີຍ.

ຄວບຄູ່ກັບການຄົ້ນຄົ້ນວິທີແກ້ໄຂບັນຫານ້ຳມັນບໍ່ໃຫ້ກະທົບຕໍ່ສິນຄ້າໂຕອື່ນທີ່ປີ່ນອ້ອມຊີວິດການເປັນຢູ່ຂອງປະຊາຊົນແລ້ວ ເພິ່ນຍັງເອົາຄັ້ງຜ່ານໆມາເປັນບົດຮຽນ ຊຸດນີ້ລົງຕົວຈີງກວດຕາມປ້ຳ.

ໂດຍ ວນັທີ 1 ເມສາ 2022 ເຈົ້າໜ້າທີ່ກວດກາການຄ້າ ນະຄອນຫລວງວຽງຈັນ, ເມືອງ ແລະ ຂະແໜງການຊັບສິນທາງປັນຍາ ແລະ ມາດຕະຖານວັດແທກ, ລົງກວດກາປໍ້ານໍ້າມັນທີ່ປິດບໍລິການ ໄລຍະນໍ້າມັນຈະຂຶ້ນລາຄາ.

ການກວດດັ່ງກ່າວບໍ່ພຽງໄປຈອບເບິ່ງຫົວສີດນ້ຳມັນ ເທົ່ານັ້ນ ແຕ່ເຈົ້າໜ້າທີ່ໄດ້ລົງຫາສາງເກັບນ້ຳມັນໃຕ້ດິນ ເພື່ອຢ່ອນໄມ້ລົງໄປວັດແທກຕົວຈີງ ນ້ຳມັນໝົດແທ້ຫຼືບໍທີ່ບໍຂາຍນ້ຳມັນໃຫ້ກັບປະຊາຊົນ.

ເຊິ່ງມື້ນີ້ເອງ ພາຍຫຼັງມີແຈ້ງການອອກມາ ຫຼາຍປ້ຳໃນນະຄອນຫຼວງວຽງຈັນແອັດໄປສ່ອງແລ້ວບໍ່ໄດ້ປິດ ແຕ່ບໍ່ໄດ້ສົ່ງຄົນຂາຍມາປະຈຳປ້ຳເລີຍ ສ່ວນບາງປ້ຳໄດ້ເປີດຂາຍປົກກະຕິ ແຕ່ຈຳກັດໃຫ້ລົດຄັນລະ……ເທົ່ານັ້ນ ແຕ່ກໍ່ຍັງດີກວ່າປ້ຳທີ່ປິດຕາຍ ເພື່ອລໍຖ້າເປີດມື້ອື່ນເຊົ້າທີ່ເປັນລາຄາໃໝ່ແລ້ວ.