ສາວສຸດທໍ້ ຫາເງິນສົ່ງນ້ອງຮຽນຕໍ່ອາເມລິກາ ແຕ່ພໍບໍ່ໄຫວ ພໍ່ແມ່ກັບຕັດຂາດ

0
313

ສາວສຸດທໍ້ ຫາເງິນສົ່ງນ້ອງຮຽນຕໍ່ອາເມລິກາ ແຕ່ພໍບໍ່ໄຫວ ພໍ່ແມ່ກັບຕັດຂາດ

ຊ່ວງບໍ່ດົນມານີ້ ຍິງສາວຊາວຫວຽດນາມ ໄດ້ໂພສຄລິບວິດີໂອເວົ້າຫົວຂໍ້ກ່ຽວກັບຄອບຄົວ ໂດຍລາວໄດ້ລະບາຍຄວາມອັດອັ້ນແລະເວົ້າທັງນ້ຳຕາ ລາວເຜີຍວ່າລາວຖືກພໍ່ແມ່ຕັດຂາດ ເຫດຍ້ອນວ່າລາວບໍ່ສາມາດສົ່ງເງິນໃຫ້ກັບນ້ອງສາວທີ່ໄປຮຽນໃນສະຫະລັດອາເມລິກາໄດ້ອີກຕໍ່ໄປ ຕັ້ງແຕ່ເລີ່ມຕົ້ນເມື່ອ 3 ປີທີ່ຜ່ານມາ

ລາວເປັນຄົນຮັບຜິດຊອບຄ່າໃຊ້ຈ່າຍຕ່າງໆໃຫ້ນ້ອງສາວ ທັງຄ່າຮຽນ ຄ່າກິນຢູ່ ດ້ວຍເຫດຜົນທີ່ວ່າລາວເປັນເອື້ອຍກົກຂອງຄອບຄົວຕ້ອງເບິ່ງແຍງນ້ອງ ແຕ່ວ່ານ້ອງສາວກັບບໍ່ເຄີຍເຫັນໃຈລາວ ກົງກັນຂ້າມນ້ອງສາວຍັງບໍ່ມີຄວາມຮັບຜິດຊອບເລື່ອງເງິນ ລາວຕ້ອງໃຊ້ໜີ້ໃຫ້ນ້ອງສາວທີ່ຕິດໝູ່ ລວມທັງຄ່າຊັອບປິ້ງ ຄ່າອາຫານ ແລະຄ່າອື່ນໆຫຼາຍຢ່າງ ລາວຮູ້ສຶກວ່າມັນສຸດທົນແລ້ວ

ຈົນມື້ນີ້ທີ່ລາວເຫຼືອອົດ ເພາະນ້ອງສາວຂອງລາວເອົາບັດເຄດິດຂອງລາວໄປຈ່າຍຊື້ເຄື່ອງຕາມອຳເພີໃຈ 500 ໂດລາລາວກ່າວວ່າ ລາວພໍແລ້ວ ຖ້ານ້ອງສາວຢາກຈະຢູ່ໃນອາເມລິກາຕໍ່ໄປ ເຂົາຕ້ອງພິຈາລະນາຕົວເອງແລະຈັດການຕົວເອງ ແຕ່ຜົນປະກົດວ່າລາວຖືກຄອບຄົວຕໍ່ວ່າ ຫາວ່າຂີ້ຖີ່ບໍ່ຮູ້ຮັກນ້ອງ ລາວມາຢູ່ຈຸດນີ້ໄດ້ກໍ່ເພາະຄອບຄົວ

ເພາະເປັນຄວາມຮັບຜິດຊອບຂອງລາວທີ່ຕ້ອງດູແລພໍ່ແມ່ ແລະ ນ້ອງສາວ ເຮັດໃຫ້ຕອນນີ້ລາວກາຍເປັນກະເປົ໋າເງິນຂອງຄອບຄົວ ທັງຈ່າຍເງິນກະສຽນໃຫ້ພໍ່ແມ່ ແລະ ທຶນການສຶກສາໃຫ້ນ້ອງສາວ